Il program cultural cun musica e chant ha funcziunà fitg bain, di Tino Andri. La part ch'è en svilup oravant tut la proxima stad, quella vulan ins activar anc meglier.
Entschet han els en tschintg iniziantas ed iniziants, dentant han dus bandunà il Scuol Palace. Tenor Tino Andri n'èn els betg adina stads da la medema idea, ma els èn sa separads en bunas.
Il giast principal era durant la stagiun d’enviern cleramain il Svizzer, ma era Germanas ed Ollandais han visità l’hotel istoric a Nairs. Gidà hajan, tenor Tino Andri, era differents events da skis.
Dacurt ha Avi Nakash, in dals possessurs ed investurs americans, visità l’hotel. El è persvadì dal concept e vul sustegnair er en l'avegnir. Proximamain seguan investiziuns en il bogn da nudar, il giardin ed era la sanaziun da differentas chombras.
