L’idea prevesa da fusiunar la cura cun la cultura.
Cura
Sut la part cura prevesan las tschintg iniziantas ed iniziants da la regiun da porscher localitads da tut gener per realisar seminaris, yoga e terapias da differentas direcziuns en connex cun la sanadad. Dentant na vegn la part ost dal hotel puspè betg nizzegiada, quella è per il mument en reconstrucziun, uschè Tino Andri, in dals iniziants. Ma era quella part ins prevesa da reanimar cun vita en il futur.
Radund 70 chombras stattan a disposiziun per giasts. Tenor Tino Andri vegnan quellas però gestiunadas da firmas externas.
Prender il bun dal passà ed integrar il savair d’ozendi, quai vegn ad esser la medischina da l'avegnir.
Cultura
Per la part cultura è tranter auter Cinzia Regensburger responsabla. Ensemen cun il project «musical a Scuol» prevesan els dad organisar regularmain musica e chant. Oravant tut persunas che tschertgan in lieu per sa preschentar chattan qua ina ideala plattafurma.
Sur da las finanzas n’han els betg vulì tradir massa. Tenor Tino Andri hajan ins però chattà ina fitg buna schliaziun cun ils possessurs. Ina part dal gudogn duess medemamain era esser il fit. L'avertura ha lieu ils 26 december 2023.
