Il Grandhotel Kurhaus Tarasp construì l’onn 1864 returna puspè tar sias ragischs, cun la reavertura ils 26 da december. Il nov manaschi duai esser ina chasa da cura e cultura – ed uschia è era il nov num da chapir «Scuol Palace Cura & Cultura».
Las duas spezialitads dal Scuol Palace
La sparta cura vegnia sviluppada ils proxims onns, scriva l’hotel en ina communicaziun. Dal cumenzament possian ils giasts sco er ils indigens e las indigenas profitar da terapias. Pli tard duain suandar ulteriuras spiertas sco ina sauna u in bogn da vapur.
Cun il Musical a Scuol è ina squadra vi d'organisar regularmain occurrenzas en il Scuol Palace. Las localitads da l'hotel stettian er a disposiziun per concerts, partys publicas u privatas, emnas tematicas ed autras occurrenzas, scriva il Scuol Palace.
Ils 16 da december ha gia lieu in'emprima occurrenza culturaala «Viva la Musica». Quella saira pon ins spetgar dal Coro d'uffants Minis & Kids fin al sautar cun DJ Redrum da tuttas sorts musica – ed uschia er emprender a conuscher il Scuol Palace Cura & Cultura.
