Siglir tar il cuntegn

Header

cuntegn

Segl-Föglias – Plaun da Lej Lavurs per dapli segirezza sin la via da Malögia han cumenzà

La via da Malögia tranter Segl-Föglias e Plaun da Lej sto d'enviern adina puspè vegnir serrada per raschuns da segirezza. A lunga vista duai quel problem vegnir schlià cun in tunnel. A curta vista duain pitgas per siglientar lavinas procurar per dapli segirezza. Las lavurs per far a curta vista pli segira la via da Malögia han cumenzà, scriva l'Uffizi da construcziun bassa.

Plinavant han ins cumenzà ad installar in sistem da surveglianza cun radar. Quel duai survegliar ulteriurs laviners che n'èn betg tangads da las pitgas. Davent da l'autra vart da la via surveglia il sistem in areal da fin 10 kilometers quadrat.

Grazia a las mesiras duai la via vegnir pli segira per las utilisadras ed ils utilisaders da la via. Las pitgas per siglientar lavinas duain ir en funcziun proxim enviern.

Ord l'archiv

video
Quest project prevesa il Chantun per la via da Malögia
Or da Telesguard dals 10.04.2019.
laschar ir. Durada: 2 minutas 48 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga