Segl - Tradiziun cumbinada cun creativitad

Avant 30 onns era naschida l’idea da porscher in lieu d’inscunter per giasts ed indigens a Segl cun crear il martgà d’artisanadi. Entant tutga quest eveniment fix en l’agenda per blers e bleras.

Impressiuns dal martgà

Blera glieud gist tar l'avertura

A partir da las 11:00 è il martgà avert. E sco ch'i para è l'interess grond. Gia curt suenter s'emplenescha la via e la glieud passa tranter ils stans via. In da quels ch'è pront cun in stan è Roman Duschletta da Zernez. Ensemen cun ses collega ed anteriur emprendist Beppi Zanchetti venda el raritads – u sco ch'els numnan: «In pau da tut, bella rauba e trida rauba».

Roman Duschletta e Beppi Zanchetti sajan mintg'onn a pliras fieras. Quatter giadas a San Murezzan, e plirs giadas en auters vitgs. I fetschia da principi plaschair dad ir dad in lieu a tschel e da vender quai, ch'ins haja rimnà sur plirs onns. Ina giada sajan ins dentant lura er stuf da far quai, manegia el.

Betg be ovras d'artisanadi vegnan vendidas al martgà. Plirs stans procuran era per bunas odurs e per fom. Uschia er tar il stan dad Irma Kern che venda caramellas ubain Madlaina Del Re che fa pulenta à la Bregaglia.

Da Martina fin Malögia

Avrir la box Serrar la box

Novitads, eveniments ed istorgias localas. Tut tge che curra e passa en l'Engiadina chattais vus qua.

Or da l'archiv

Il 2011 ha RTR chavà or da l'archiv pliras emissiuns da televisiun dals onns 60 e 70 – uschia er ina davart artisanadi.