Poetry Slams datti quasi dapertut ed uss er en Engiadina. L’Uniun dals Grischs ha numnadamain organisà l’emprim Poetry Slam rumantsch a Sent. Per quest’occurrenza èn vegnids envidads Hannah Flury, Nadja Hort, Selina Müller e Janic Maskos, ch'han preparà texts poetics. Quels texts han els preschentà al public en la Grotta da Cultura. La furma da preschentar è surlaschada a las poetessas ed al poet – il temp per lur preschentaziun è però limità sin 6 minutas.
Tenor Gianna Duschletta, suprastanta da l’Uniun dals Grischs, s'haja adattà in zic il Slam Engiadinais. La finamira saja da promover la lingua rumantscha. Tradiziunalmain gudognan las victuras u ils victurs ina buttiglia Whiskey – en Engiadina vegn quel remplazza cun IVA.
Public decida
Tgi che gudogna, decida unic il public cun la fortezza da ses applaus. A l’emprim Poetry Slam Rumantsch è vegnì applaudì il pli fitg per la preschentaziun ed il text da Selina Müller. Trais occurrenzas da Poetry Slam Rumantsch seguan anc quest onn en Engiadina.
