Dus giuvens ed in siemi: Tine Rossel da San Murezzan ed Andrea Aschieri da Nyon siemian dals gieus olimpics a Los Angeles l’onn 2028. Ils dus giuvens furman la regatta dal «Butterfly Sailing Team» d’ina bartga «Nacra 17». Ina bartga fitg tecnologica che sgola sur l’aua.
Dals skis sin la bartga
Tine Rossel è creschida si a San Murezzan. Sco figlia d’ina skiunza ed in navigatur passiunà – è ella stada da pitschna ensi sin la naiv e sin l’aua. Fin l’onn passà ha ella persequità ina carriera sco skiunza, ha lura però inscuntrà ad Andrea Aschieri che tschertgava in cumpogn da team per la Nacra 17. Entaifer curt temp è Tine Rossel lura sa decisa da midar cumplettamain sin l’aua e dar tut per pudair participar als gieus olimpics a Los Angeles.
Champiunadis mundials sco basa
Il giuven team trenescha intensiv e sto s'emprender ad enconuscher anc meglier. Quest atun pon els participar als champiunadis mundials en Sardegna. Tar quell’occurenza vai per ramassar experientschas e per metter la basa per realisar lur grond siemi dals gieus olimpics.
