L’idea dal concept è da preschentar films actuals, producziuns da mainstream, films d’art, ma era classichers e documentaziuns. En ina segunda fasa duess lura era vegnir fatg musica sin quest palc, però era discurs cun reschissurs e producziuns da cumediants duessan avair lieu.
Per realisar questa visiun han Isa Neves – ch'abita dapi dacurt a Zernez – ed il possessur da la tradiziunala chasa De Capol, Ramun Schweizer, sa mess ensemen. En furma dad in crowdfunding han els ramassà cun success varga 15’000 francs.
La finamira è da realisar in lieu, nua che tut las generaziuns sa chattan.
Kino sut il tetg
Il bab da Ramun Schweizer era musicist e dirigent. Suenter la cumpra da la chasa istorica tras la famiglia Schweizer l’onn 1950 ha el fabritgà sut il tetg ina sala da concert. Quella sala duess ussa vegnir reanimada. Cun ils raps dal crowdfunding prevesan els da cumprar oravant tut in indriz modern per preschentar ils films.
Kino en la chasa De Capol
-
Bild 1 von 6. La chasa istorica De Capol. La chasa de Capol è vegnida fabritgada l'on 1199. Bildquelle: RTR.
-
Bild 2 von 6. Ils duos iniziants davant l'entrada dal kino. Isa Neves e Ramun Schweizer discuteschan il concept dal piertan. Bildquelle: RTR.
-
Bild 3 von 6. Giasts da la chasa De Capol. Persunas enconuschentas han visità la chasa De Capol. Bildquelle: RTR.
-
Bild 4 von 6. Il pierten avant sco entrar en il kino. En il pierten duessan avair lieu ils aperitivs ed inscunters. Bildquelle: RTR.
-
Bild 5 von 6. L'entrada tar il cinema de capol. Radund 50 persunas han plaz en il kino. Bildquelle: RTR.
-
Bild 6 von 6. La localitad sut il tetg. Ils dus iniziants discutan davart il project. Bildquelle: RTR.
Grond sustegn dals indigens
Passa 100 persunas han gidà a finanziar il project inizià dad Isa Neves e Ramun Schweizer. Oravant tut persunas indigenas han pajà in import. Quai fa grond plaschair ad Isa Neves. Quai mussia l’interess per in local d’inscunter particular. Las emprimas preschentaziuns èn previsas il zercladur 2025.