Siglir tar il cuntegn

Header

audio
Occurrenzas da stad: Tge ha lieu anc en l'Engiadina?
Or da Actualitad dals 26.03.2021.
laschar ir. Durada: 03:17 minutas.
cuntegn

Stad 2021 Tge occurrenzas han anc lieu en l'Engiadina

Er en l'Engiadina cumbattan ils comités d'organisaziun cun difficultads da planisar eveniments per questa stad. La situaziun è nunprevisibla e las malsegirtads èn grondas. Malgrà quellas premissas datti organisaturas ed organisaturs che restan optimistics.

Tranter Malögia e Martina han mintg'onn lieu divers eveniments culturals. Ma betg tuts han lieu questa stad. La festa da musica districtuala a Zernez è vegnida spustada schon per la segunda giada – quai sin la stad 2022. Er a la Moto a Zernez, in inscunter da inscunter da töffistas e töffists cun concerts, è vegnì ditg giu.

La «Festa sül stradun» a Scuol vegn ad esser quest onn be in pitschen martgà.

La «Festa sül stradun» en in rom normal fiss in memia grond ristg.
Autur: Urs Lechthalercomité d'organisaziun

Er il musical da Scuol resta tar ses plans. La segunda ediziun – suenter la premiera da la stad passada – duai avair lieu.

Engiadin'Ota

Er en Engiadin'Ota è la tenuta dad organisaturas ed organisaturs optimistica. L'Openair Chapella è planisà per l'emprima emna d'avust. Tenor Jonas Bürkli, responsabel per las medias, vegnan els a decider la mesadad da zercladur.

A Samedan vegn realisà tenor las paginas d'internet correspundentas in fanadur la 10avla ediziun da la Brass Week ed in october il «Back to the Roots».

Il Festival da Jazz a San Murezzan è ina da las paucas occurrenzas culturalas ch'han er gì lieu durant la stad 2020. Er per il 2021 è planisada in'ediziun. Tenor Heinrich Hunold, incumbensà da Covid-19, hajan ils organisaturs schon rimnà experientschas l'onn passà, uschia ch'i saja er quest on pussibel ed impurtant da realisar il festival.

Ins sto simplamain dir che la musica è impurtanta per surviver, es sche quai tuna exagerà.
Autur: Heinrich Hunoldincumbensà covid-19 per il Festival da Jazz San Murezzan

Sche tut ils plans pon vegnir realisads vegn a mussar la stad. Quai dependa sper la grondezza dals eveniments en emprima lingia da la situaziun epidemiologica e da las mesiras correspundentas.

RTR actualitad 07:00

Artitgels legids il pli savens

Scrollar a sanestra Scrollar a dretga