Siglir tar il cuntegn

Header

cuntegn

Stad chauda Nagin glatsch pli per posts da mesiraziun al Corvatsch

En Svizra èn glatschers pitschens luentads a moda extrema questa stad. Ils experts n’hajan betg quintà ch’i saja insumma pussibel ch’uschè bler glatsch svaneschia en tal curt temp, ha ditg il glaziolog Matthias Huss a l’agentura da novitads DPA.

Al Vadret dal Corvatsch sajan rasadas da glatsch luentadas che sajan dapli che 7'000 onns veglias. La dataziun dal glatsch giaja enavos sin mesiraziuns pli veglias da l’universitad da Heidelberg. Il program da mesiraziun al Vadret dal Corvatsch na possia uss betg pli vegnir cuntinuà, cunquai ch’il glatsch manchia simplamain als puncts da mesiraziun. Il sulet ch’els possian uss anc far saja da pachetar e rumir tut il material, uschia il glaziolog da l'ETH Matthias Huss.

La situaziun sa pegiurescha – malgrà speranza cuntraria

Glaziologs han mesirà en il rom da la rait da mesiraziun svizra da glatschers Glamos dapi decennis glatschers areguard la quantitad da naiv durant l’enviern e la marschauna. Gia il 2019 saja vegnì decis da laschar ir a fin ils programs da mesiraziun vid trais glatschers pli pitschens sco er il glatscher dal Pizol u il Schwarzbachfirn.

Perquai che la quota da perdita è stada spezialmain l’onn passà pli pitschna ch'ils onns avant, hajan ins sperà da tuttina anc pudair far in temp mesiraziuns. Las perditas da questa stad sajan dentant stadas memia nauschas, uschia Huss. Per motivs tecnics na possian ulteriuras perdita da glatsch betg pli vegnir mesiradas.

Or da l'archiv

video
Novs sistems da test per mantegnair il glatscher dal Morteratsch
Or da Telesguard dals 11.02.2021.
laschar ir. Durada: 2 minutas 51 Secundas.
audio
Per tadlar: curt e cumpact
ord RTR Audio dals 03.09.2022.
laschar ir. Durada: 1 minuta 22 Secundas.

RTR novitads 09:00

Artitgels legids il pli savens