Il manader da la scola da skis, l’ustier dal restaurant ma era osps ed indigens braman plaunet ma segir sin il temp da stad. Per ils blers èn ils dis da Pasca la davosa schanza per pudair ir cun skis.
Il manader da scola da skis
Il manader da la scola da skis Clà Neuhaus tira ina buna bilantscha, sch'ins resguardia tut las intschertezzas ed ils midaments causa la pandemia haja tut funcziunà bain. La cassa n'haja betg sclingia uschè ferm sco ils ultims onns, ma tuttina è il manader cuntent cun la situaziun.
La restauraziun
Ed era tar l’ustier vesan ins plaunet la stancladad. El ha gì l'onn passà ina stad sco anc mai, ma l’enviern saja plitost per emblidar. Ma er el è cuntent che la stagiun da skis va plaunet a fin.
Ils giasts ed indigens
La circumstanzas per ir cun ils skis èn stadas perfetgas cun pistas da bellezza. La situaziun causa la serrada dals restaurants ha però fatg fastidi a singuls. Uss è però era la maioritad dad els cuntenta da pudair metter a lieu ils skis e far pront il bike.