Siglir tar il cuntegn

Header

video
Mesiras per ina stagiun pli calma ad alp
Or da Telesguard dals 14.06.2023.
laschar ir. Durada: 6 minutas 24 Secundas.
cuntegn

Stagiun incalculabla Preparativas intensivas per ina stagiun pli calma ad alp

La populaziun dal luf crescha – actualmain vivan sur 100 lufs in Grischun. Quel fat è per ils purs da nursas ina sfida e differents sa dumondan, co che la stagiun d’alp vegn a funcziunar. Er per l’Alp Muot Selvas en Val Fex èn las preparativas ina sfida.

Las prescripziuns da la Confederaziun per proteger las nursas dal luf èn vegnidas pli severas. Per proteger bain las scossas datti differentas reglas. Las nursas ston vegnir messas en saivs. Quellas saivs han dad esser minimalmain 1,10 meters autas e mintga duas emnas han las nursas da midar sectur da saiv. Lura sto il paster avair la pussibilità da passentar la notg en vischinanza da la muntanera. La scossa vess dad esser survegliada 24 uras al di.

audio
Alpegiadas Engiadina: Val Fex e Val Tuoi
ord Actualitad dals 17.06.2023. Maletg: RTR
laschar ir. Durada: 4 minutas 14 Secundas.

Quellas prescripziuns èn era ina sfida per l’Alp Muot Selvas en Val Fex. Per il chau d’alp, Peter Angelini, èn las preparativas per pudair ir ad alp fitg grondas ed intensivas. Per ils 900 tocs che passentan ils trais mais in Val Fex sin l’alp Muot Selvas sto el trair passa 8 kilometers saivs e crear quatter secturs. Ina lavur che dovra strategia e forza.

RTR Telesguard 17:40

Artitgels legids il pli savens