Siglir tar il cuntegn

Header

video
Sunar per avair plaschair
Or da Actualitad dals 20.11.2017.
laschar ir. Durada: 2 minutas 44 Secundas.
cuntegn

Engiadina Sunar per renconuschientscha

39 solists ed 7 ensembles èn sa preschentads la sonda ad ina giuria professiunala a Samedan, quai en occasiun da las producziuns libras. Dapi 11 onns vegn organisada quest'occurrenza, quest onn cun in record da participants.

Per l'indeschavla giada han gì lieu las producziuns libras per solists ed ensembles – questa giada a Samedan e quai cun in record da participants. Anc mai avant èn s'annunziads 39 solists e set ensembles per quest'occurrenza.

Nagins puncts u rangs – ma tuttina ambiziuns grondas

Las musicistas ed ils musicists sa preschentan ad ina giuria professiunala. Quella na scumparta però betg puncts u rangs – ella preschenta a mintgin in rapport professiunal per optimar il savair musical persunal.

Ils participants sa preparan professiunalmain e la tensiun è palpabla. Avant il recitar davant la giuria trenescha mintgin anc sulet en in chamberlet.

S'inscuntrar, far amicizia e promover ils giuvens musicists

L'occurrenza da las producziuns libras per solists ed ensembles duai esser in lieu per entrar en contact cun auters musicists. Ils rapports professiunals ed ils tips e trics duessan promover ils musicists giuvens e pussibilitar in svilup musical.

TR Telesguard 17:40

Artitgels legids il pli savens