Per l’emprima giada è il film dal cineast jauer, Ivo Zen davart la scena da drogas en ils onns 80 en Engiadin’Ota vegnì mussà en Engiadina. L’interess tar ils Engiadinais è stà grond – tuts che han vulì vesair, tge che Ivo Zen ha realisà durant ils ultims trais onns.
audio
Scena da drogas Engiadin'Ota - reacziuns dals aspectaturs
ord Actualitad dals 16.11.2020.
laschar ir. Durada: 2 minutas 50 Secundas.
Basegn da discutar
En il film documentar vegnan a pled persunas pertutgadas directamain da la scena da drogas da quella giada. Persunas che prendevan sez drogas, geniturs ed amis da giuvens ch’èn morts raquintan lur istorgias. Per ils aspectaturs èsi impurtant ch’i vegn finalmain discutà davart la tematica delicata, tragica e taschentada. Er sch’il film avria tar intginas persunas plajas guaridas.
Jau craj che plajas ch’èn survart serradas e giusut marschas – quai n’è betg bun. En Engiadina fa quai da basegn d’avrir quellas plajas e da discurrer surd las chaussas.
RTR emetta il film «Sut tschêl blau» la primavaira che vegn.
