La finamira dal sviament è da distgargiar la populaziun dal traffic da transit. In traffic ch'ha adina puspè procurà per disturbis – surtut tar la stretga en il center dal vitg. Sco quai ch'il departament d'infrastructura, energia e mobilitad communitgescha tar l'emprima badigliada, augmenta quai era la segirtad per peduns e velocipedistas – ed insumma per il traffic local. Uschia possian ins dar enavos al vitg in tant quietezza, segirtad, identitad e spazi da furmaziun, ha ditg la manadra dal departament Carmelia Maissen.
In tal project na fa betg lingias grassas sco in project grond a Turitg. El fa dentant la differenza per ina vischnanca, ina regiun e per la populaziun.
Simpel n'ha il project betg adina gì. Entant che l'Uffizi da construcziun bassa aveva gia ils onns 80 in emprim plan per in sviament, era quel però adina puspè vegnì spustà – saja quai tras recurs d'organisaziuns, u in recurs da la vischnanca – però era cun midar prioritads. Il chantun ha stuì priorisar ils differents projects da sviaments en il Grischun per betg cumular e periclitar la finanziaziun. Uschia eran vegnids priorisads ils sviaments da Trin, Flem, Silvaplauna ubain era perlung la via dal Partenz tranter Landquart e Tavau.
Impressiuns da la prima badigliada
-
Bild 1 von 5. Il president communal da La Punt-Chamues-ch Peter Tomaschett. Bildquelle: RTR.
-
Bild 2 von 5. L'inschigner da l'Uffizi da construcziun bassa Grischun Reto Knuchel. Bildquelle: RTR.
-
Bild 3 von 5. Carmelia Maissen en controlla dal chavaterra, daspera Peter Tomaschett, Reto Knuchel e Ruet Ratti, president communal da Madulain. Bildquelle: RTR.
-
Bild 4 von 5. Da sanestra: Ruet Ratti, Peter Tomaschett, Carmelia Maissen e Reto Knuchel. Bildquelle: RTR.
-
Bild 5 von 5. Bildquelle: RTR.