Siglir tar il cuntegn

Header

video
La visiun dals trens sur ils cunfins da l’Engiadina vers l’Italia e l’Austria
Or da Telesguard dals 02.03.2022.
laschar ir. Durada: 5 minutas 2 Secundas.
cuntegn

Terra Raetica Examinar pli profund la geologia e la idrologia

Per realisar da Scuol anora ensemen cun l’Italia e l’Austria ina nova rait da trajects da viafier, hai dà oz in ulteriur inscunter da represchentants dals dus pajais e dal Grischun. Quel ha gì lieu a Scuol.

Il proxim pass per cuntanscher questa visiun da la mobilitad en las regiuns da cunfin dal Grischun, dal Tirol e dal Tirol dal Sid – è da laschar far studis ch’examineschan la realisabladad da la visiun, sco il chantun ha communitgà. I duai dar examinaziuns geologias ed idrologicas per pussaivels trajects da Scuol a Mals, da Landeck a Scuol, da Landeck a Mals, la via da Garmisch-Partenkirchen a Silz en l’Inntal e per il traject Tirano-Bormio cun cuntinuaziun a Mals.

audio
Cun il tren da Scuol vers il Tirol ed il Tirol dal Sid – la vista cuminaivla è uss creada
ord Actualitad dals 02.03.2022.
laschar ir. Durada: 3 minutas 38 Secundas.

Vitiers han ils participants da l’inscunter a Scuol decidì da laschar elavurar in studi davart la persistenza e la rentabilitad, cun resguardar aspects socio-ecologics. Quel duai avair en egl tant la fasa da construcziun sco er la fasa da manaschi.

Pliras persunas stattan en retscha avant il Hotel Belvedere a Scuol.
Legenda: Da sanester: represchentants dal Tirol dal Sid, dal Tirol, da la Lombardia ed ils dus cussegliers guvernativs grischuns Mario Cavigelli e Jon Domenic Parolini. Chantun Grischun

Da nov maina il Grischun la gruppa da lavur tecnica per il project «Terra Raetica». Quella vegn a documentar ils proxims pass e la finala elavurar in rapport che cumbinescha ils resultats dals singuls studis. Sco termin pussaivel per avair il rapport sin maisa vala la fin da l’onn 2023.

RTR novitads 17:00

Artitgels legids il pli savens