Cun la decisiun da laschar avert ils territoris da skis en il Grischun sur ils dis da festa, saja l'ospital en Engiadin'Ota cuntent. Gist en ina regiun turistica èsi tenor Beat Moll, il directur da l'ospital regiunal d’Engiadin’Ota a Samedan, impurtant ch’il manaschi na restia betg quiet.
Nagins pazients da covid sin la IPS
Actualmain hai tenor Beat Moll anc avunda capacitads ed ins na saja betg en ina situaziun da crisa en l’ospital a Samedan. Tenor Moll èn il mument set pazients da covid en l’ospital, la staziun intensiva è vida.
Valitar situaziun di per di
Tema che l’ospital pudess vegnir surchargià ils proxims dis n’ha Beat Moll betg. Tenor el possian ins gist tar accidents da sport prevesair sch’i dat anc avunda capacitads en l’ospital. En media sajan quels pazients numnadamain quatter dis en l’ospital. El beneventa però che la regenza vul valitar la situaziun di per di.
