Entaifer paucs dis han las vischnancas da l’Engiadina, las vals dal Sid e la Val Müstair stuì organisar l’infrastructura ed il persunal per realisar ils tests da massa. Da Valsot, S-chanf, Zuoz e la Bregaglia – tut ils responsabels han confermà ina buna collavuraziun tranter chantun ed administraziuns communalas. Per tut las vischnancas è quest’acziun stada ina sfida logistica – ma finalmain ha tut funcziunà sco giavischà.
audio
Tests da massa: Buna collavuraziun tranter vischnanca e chantun
ord Actualitad dals 14.12.2020.
laschar ir. Durada: 2 minutas 36 Secundas.
La dumonda da finanzas n'è anc betg sin maisa
Emprim la lavur – suenter las finanzas, uschè il credo da las vischnancas. Prioritad en quest cas è stada l’organisaziun per pudair manar tras tut ils lieus dal test da massa. Uss suenter l’acziun vegn era il tema finanzas ad esser sin maisa da las tractativas tranter chantun e vischnancas.
