Siglir tar il cuntegn

Header

video
Bilantscha positiva dals tests da massa en il sid dal Grischun
Or da Telesguard dals 14.12.2020.
laschar ir
cuntegn

Terminà ils tests da massa 15'151 persunas testadas – 150 positivas

En las regiuns Bernina, Engiadina Bassa/Val Müstair e Malögia han totalmain 15'151 persunas laschà far voluntarmain in test da corona la fin d'emna passada. Grazia als tests han pudì vegnir identifitgadas ed isoladas tut en tut 150 persunas asintomaticas.

Cun 150 cas positivs sin 15'151 tests correspunda la rata da da positivitad uschia ad 1%. Quellas cifras mussian che persunas asintomaticas contribueschian en moda considerabla a la derasaziun ed a la cuntinuaziun da la pandemia, evaluescha l'Uffizi da sanadad. Limitaziuns da contacts sajan perquai er vinavant in element central per franar la pandemia.

Il test territorial en il Grischun dal Sid na furneschia betg in maletg definitiv, exprimia però fitg bain la situaziun mumentana, scriva il chantun. Gia questa emna vegnia perquai cumenzà en tschertas regiuns cun tests posteriurs.

Testar l'entir chantun custass radund 5 milliuns

Avrir la boxSerrar la box

Sch'ins testass en l'entir chantun Grischun cun tests da massa, custass quai radund 5 milliuns, ha declerà Peter Peyer. Vegnì testà èsi en 23 lieus en 19 vischnancas. La protecziun civila ha furnì suandant material per realisar l'acziun:

  • 26'550 tests da corona
  • 10'266 mascrinas
  • 53'100 guants
  • 1'770 scussals da bittar davent
  • 708 egliers da protecziun
  • 708 unitads med da dischinfectar

Finamira betg cuntanschida

La finamira da testar en total 20’000 persunas ha il chantun manchentà. Il facit saja dentant tuttina positiv di Martin Bühler, il schef dal stab directiv chantunal. Uschia haja l'organisaziun e la collavuraziun tranter vischnancas e chantun funcziunà fitg bain. Ed els hajan uss tuttina ina buna basa per cuntinuar cun la lavur da far tests.

Problems cun manar tras ils tests n'haja dà nagins durant l'entira fin d'emna, scriva il chantun. Tscha e là haja sulettamain dà retards cun ils resultats dals tests.

Appell da vinavant testar er tar sintoms flaivels

Avrir la boxSerrar la box

L'uffizi da sanadad fa attent ch'igl è er vinavant impurtant da sa laschar testar, er tar sintoms flaivels. Tgi che na giaja betg tar il test perquai ch'el u ella vul evitar d'ir en isolaziun u quarantina, mettia sia parentella, ses collavuraturs e las persunas il pli datiers en ristg da vegnir seriusamain malsaun u perfin a la mort, scriva il chantun en sia communicaziun. En Grischun èn ils cas da mortoris da dublegiads durant il november. En Svizra moran mintga di 100 persunas vid Covid-19.

La regenza grischuna vegn a decider damaun mardi davart las mesiras da corona e gist suenter communitgar.

L'acziun:

Il Minisguard declera pertge ch'igl è impurtant da chattar persunas infectadas e che na san nagut da lur infecziun. Ed en il Telesguard dals 4 da december mussa RTR co ils tests da massa en Engiadina vegnan fatgs.

RTR novitads 10:00

Artitgels legids il pli savens

Scrollar a sanestra Scrollar a dretga