Gia pitschnas midadas pudessan laschar crudar aval crappa sin la via da l'Engiadina. Perquai duain quellas parts da grip vegnir allontanadas, scriva il chantun Grischun.
Anfang Bildergalerie
Bildergalerie überspringen
-
Bild 1 von 3. Charta dals lieus privlus sin la via tranter Martina e Vinadi. Bildquelle: Chantun Grischun.
-
Bild 2 von 3. Durant las lavurs vegn la blocca segirada cun ina rait d'atschal. Bildquelle: Chantun Grischun.
-
Bild 3 von 3. A lunga vista na pon ins betg segirar la blocca, perquai stoppia ella vegnir allontanada. Bildquelle: Chantun Grischun.
Ende der Bildergalerie
Zurück zum Anfang der Bildergalerie.
En tut sajan quatter gronds blocs da crap che pudessan daventar privlus. Per la segirtad vegn il traffic manà durant ils 7 d'avust ed ils 10 d'october sin in vial e reglà cun amplas da traffic, quai sin ina lunghezza da circa 300 meters. Durant singuls dis saja pussaivel che l'entira via sto vegnir bloccada durant maximalmain 15 minutas.
Ulteriuras lavurs datti vi d'in grip 150 meters pli lunsch en il nord. Il chantun veglia remplazzar ils indrizs d'atschal che tegnan il grip, perquai che la vegliadetgna dals vegls indrizs n'è betg enconuschenta.