Siglir tar il cuntegn

Header

grafica cun tunnel ed indicaziuns
Legenda: Il project dal tunnel sco quai ch'il chantun l'ha preschentà il 2019. Swisstopo e Grafica RTR
cuntegn

Tranter Segl e Plaun dal Lej Opposiziun cunter il project per in tunnel

Proprietaris da terren da Segl fan via advocat attent la regenza grischuna, ch’els na sajan betg vegnids integrads en la discussiun.

Era sch'il project stat anc pir a l’entschatta pretendan possessurs da terren da Segl dapli cooperaziun. Quai tenor ina charta dad in advocat messa a disposiziun era a las medias. Entras quest project fissan pertutgadas differentas parcellas e quellas pudessan tenor ils possessurs perder valita.

Anc in project «general» e betg «d'exposiziun»

Reto Knuchel, il schef da l'Uffizi da construcziun bassa dal chantun Grischun ha ditg envers RTR ch'i sa tractia qua d'in project general e betg anc dad in project d’exposiziun. Perquai sajan fin oz vegnids contactads las vischnancas, la regiun ed organisaziuns d'ambient per avair ina prima posiziun da quels. Cur ch'il project vegnia transfurmà en in project d’exposiziun dettia era per possessurs e pertutgads la pussaivladad da prender posiziun sco er da far eventuals recurs.

Il project prevesa in tunnel da radund 2,2 kilometers lunghezza tranter Segl e Plaun dal Lej. Quel dess proteger la via principala da Malögia encunter crudada da crappa e lavinas. La via sto vegnir serrada regularmain per motivs da segirtad.

audio
Per tadlar curt e cumpact
01:04 min, RTR Audio dals 23.06.2021.
laschar ir. Durada: 01:04 minutas.

RTR novitads 17:00

Artitgels legids il pli savens

Scrollar a sanestra Scrollar a dretga