Il Tribunal federal conferma la sentenzia da la Dretgira administrativa dal chantun Grischun. Il 2018 avevan quatter vischins inoltrà recurs cunter ils plans da la vischnanca ch'è er il proprietari da l'hotel planisà sin l’areal Sportpavillon a Puntraschigna. In da quels vischins aveva lura tratg vinavant il recurs fin a Losanna. Quest recurs ha il Tribunal federal uss er refusà e cunquai dà glisch verda per ralisar il project.
L'hotel cun in focus sin la generaziun giuvna, duai avair 96 chombras e custa var 20 milliuns francs. Ils iniziants prevesan ussa da cumenzar a fabritgar la primavaira dal 2024.
Gia in'iniziativa ha fatg naufragi avant Tribunal federal
Gia il 2019 aveva il Tribunal federal confermà ina sentenzia da la Dretgira administrativa dal chantun Grischun, quella aveva decis che in’iniziativa da la populaziun da Puntraschigna cunter il project na saja betg valaivla.
Or da l'archiv
