Siglir tar il cuntegn

Header

cuntegn

Tribunal regiunal Malögia Giusep Nay declerà nunculpant

Il Tribunal regiunal Malögia ha declerà Giusep Nay nunculpant da tuttas duas renfatschas, tant la disfamaziun (üble Nachrede) sco er la calumnia (Verleumdung) na sajan betg dadas a maun dal text en la brev da lectur.

Nay aveva laschà publitgar il schaner 2021 en la Posta Ladina ina brev da lectur en connex cun il cas Quadroni. Igl è vegnì ad ina procedura penala. Fatg il plant aveva il president dal Tribunal regiunal d'Engiadina Bassa – Val Müstair, Orlando Zegg.

En l'acta d'accusaziun aveva la Procura publica chantunala suttastritgà che Giusep Nay saja stà conscient che sias pretaisas en la brev sajan disfamaziun. E ch'el haja fatg pretaisas cun l'intenziun da discreditar il renum dal derschader regiunal d'Engiadina Bassa-Val Müstair, Orlando Zegg. Ils derschaders èn stads d'ina autra opiniun.

Co Stefan Metzger, l'advocat dad Orlando Zegg ha ditg a RTR, veglia el l'emprim discutar cun ses mandant sch'els acceptian la sentenzia u betg.

audio
Per tadlar curt e cumpact
ord RTR Audio dals 02.12.2022.
laschar ir. Durada: 1 minuta 1 Secunda.

RTR actualitad 17:00

Artitgels legids il pli savens