Triep dal Fuorn - Dapli lufs che pensà

L'atun è vegnì confermà l'emprim triep da lufs en Engiadina. Il triep dal Fuorn sur Zernez, che viva per part en il Parc Naziunal Svizzer. Uss hajan ins pudì confermar ch'il triep quinta almain otg animals giuvens, e betg mo quatter sco pensà fin qua, ha ditg Arno Puorger dal uffizi da chatscha e pestga dal Grischun ad RTR. L'entir triep quinta pia diesch lufs. Il triep sa cumportia quiet e na fetschia betg problems. Perquai na sajan er betg previs da prender mesiras da regulaziun.