Gia il bab da Clà Janett, in giuven pur da Tschlin, è stà pur. E quel ha ditg che tant fain sco quest’onn n’hai betg dà ils davos 40 onns. Il clavà dal pur vegn ad esser pli che plain quest’onn. Natiralmain datti era la pussaivladad da far ballas da fain, quai per spargnar in zichel plazza. Per Clà Janett èsi cler, quest’onn na ston ins betg cumprar fain.
La situaziun permetta perfin da far reservas per il proxim onn. Ed era da la prada sin ils auts dastgan ins spetgar ina buna racolta.
Actualmain mida l’aura tranter bels dis ma era adina puspè in zichel plievgia, quai èn fitg bunas premissas ch'i dettia er ina buna racolta da rasdiv.
