cuntegn
UBI refusa recurs
-
RTR ha rapportà objectiv davart il cas S-chanf
L'autoritad independenta da recurs davart radio e televisiun (UBI) ha refusà in recurs cunter tschintg contribuziuns da Radiotelevisiun Svizra Rumantscha en connex cun la dispensa dal selvicultur da S-chanf. Quai scriva l'UBI en ina communicaziun.
Autur:
CDM / Selina Chistell
Las contribuziuns dals 2 e 3 d'avrigl 2020 en il Telesguard, al radio sco er online sajan tuttas stadas objectivas, argumentescha l'UBI. Ils commembers hajan refusà unanimamain ils recurs. L'autoritad da recurs accentuescha ch'i tutgia tar il pensum da las medias da metter en dumonda da moda critica decisiuns d'autoritads.
En il recurs era tranter auter vegnì crititgà che RTR n'haja betg rapportà correct davart la lavur da la suprastanza da S-chanf e condemnà ordavant il selvicultur.
Tgi è l'UBI?
Avrir la box
Serrar la box
L'UBI è ina cumissiun extraparlamentara da la Confederaziun. Ella examinescha sin basa da recurs sche emissiuns e contribuziuns da televisiun e radio cuntrafan al reglament da radio e televisiun. Ella ha da pasentar tranter libertad da las medias e protecziun dal public. Decisiuns da l'UBI pon vegnir contestadas al Tribunal federal.
Or da l'archiv
Ils recurs pertutgan tranter auter suandantas contribuziuns or dal Telesguard da l'avrigl 2020:
