Seraina Camichel-Godly daventa nova manadra dal lavuratori protegì «Ufficina Samedan». Ella succeda uschia a Tanja Bernardini, che turnia suenter passa dus onns e mez puspè en l’Australia. Quai ha communitgà l’Uniun Movimento che porscha differentas spiertas d’assistenza a persunas cun in impediment corporal u spiertal en sias chasas d’abitar a Samedan, Poschiavo e Scuol.
Camichel-Godly è tgirunza e lavura dapi il 2010 en diversas funcziuns da l’Ufficina. Ella entra en uffizi a partir da l’entschatta da l’auter onn.
