Siglir tar il cuntegn

Header

audio
Uffizi da scussiun Engiadin'Ota: Main concurs che avant corona
Or da Actualitad dals 29.04.2021.
laschar ir. Durada: 2 minutas 41 Secundas.
cuntegn

Uffizi da scussiun EO Main scussiuns e concurs che avant corona

Dapi il mars da l’onn passà, il cumenzament da la pandemia da corona, spetgian ins sin in’unda da falliments. Enfin oz na saja quella però anc betg arrivada, di Andrea Fanconi, il manader da l’uffizi da scussiun e falliment da la regiun Malögia. Auter che spetgà hajan ins numnadamain pli paucs cas da scussiun e falliment. Quai haja en emprima lingia da far cun l’agid finanzial da Chantun e Confederaziun e lura n’haja la glieud er pli paucas pussaivladads da dar ora ils raps.

Il mars da l’onn passà hai dà ina bloccada da scussiuns d’in mais. Suenter quest scumond d’inoltrar scussiuns avain nus spetgà in’unda da scussiuns e falliments. Sin quella spetgain nus enfin oz.
Autur: Andrea Fanconi manader da l'uffizi da scussiun e falliment regiun Malögia

Esser preparà

Tuttina pudess quai dar tenor Andrea Fanconi pli baud u pli tard in’unda da concurs. Numnadamain pudess quai esser il cas, cura ch’i na dat nagins agids finanzials pli. Per quest mument saja d’esser pront. Perquai fan las collavuraturas ed ils collavuraturs da l’uffizi da scussiun e falliment da l’Engiadin’Ota scolaziuns internas, uschia che tut ils process vegnan anc pli effectivs.

RTR actualitad 12:00

Artitgels legids il pli savens