Siglir tar il cuntegn

Header

Sutgas e maisas serradas avant in'ustaria.
Legenda: Keystone
cuntegn

Crisa da corona Radund 1,6 milliardas francs per cas da direzza èn pajads ora

Firmas ch'èn pervi da la crisa da corona crudadas en miserias economicas, survegnan agid per cas da direzza. Tut en tut han ils chantuns pajà, dapi la fin settember enfin l'entschatta avrigl, radund 1,6 milliardas francs per cas da direzza. Quai annunzia l’Administraziun federala da finanzas.

Ils emprims tschintg mais, enfin la fin da favrer, saja radund ina mesa milliarda vegnida pajada ora. Il mars ed ils emprims dis d’avrigl saja radund ina milliarda vegnida vitiers.

La raschun: Tenor la Confederaziun han intgins chantuns pir cumenzà a pajar or il mars quels daners a-fonds-perdu, pia daners che ston buc vegnir pajads enavos.

Cunzunt per gastronomia

Tut en tut han radund 20'000 fatschentas survegnì contribuziuns a fonds-perdu; principalmain èn quai fatschentas da la branscha da gastronomia. Quai èn 667 milliuns francs.

audio
Per tadlar curt e cumpact
00:47 min, RTR Audio dals 13.04.2021.
laschar ir. Durada: 00:47 minutas.

RTR novitads 17:00

Artitgels legids il pli savens

Scrollar a sanestra Scrollar a dretga