Siglir tar il cuntegn

Header

cuntegn

UNESCO Biosfera Il president da Valsot a la testa da l’organisaziun

Il president communal da Valsot Victor Peer è vegnì dumandà da presidiar l’UNESCO Biosfera Engiadina Val Müstair.

A l’organisaziun UNESCO Biosfera fan part la vischnanca da la Val Müstair, la vischnanca da Scuol ed il Parc Naziunal Svizzer. Tuttina è Victor Peer vegnì dumandà sch’el fiss pront da presidiar quella organisaziun, in uffizi ch'el vul er prender per mauns.

audio
Victor Peer duai presidiar l’UNESCO Biosfera Engiadina Val Müstair
ord Actualitad dals 01.02.2024. Maletg: RTR
laschar ir. Durada: 3 minutas 43 Secundas.

Victor Peer è er stà president da la Pro Terra Engiadina, ina societad cun interess sumegliants.

L’organisaziun ha forsa gì internas differenzas. Jau sco president da Valsot sun en quel sen neutral.
Autur: Victor Peer Nov president da l'organisaziun UNESCO Biosfera

La gronda finamira da Victor Peer è dad unir quell'organisaziun. Per el èsi impurtant che tut ils partenaris collavuran ensemen sco unitad, e betg mintgin da per sai. Plinavant vul el er daventar pli visibel cun la UNESCO Biosfera Engiadina Val Müstair. Tenor Peer n'enconuschan ins betg la lavur e funcziun da quella cumissiun. Quai duai sa midar en avegnir.

Victor Peer, der Gemeindepräsident von Valsot
Legenda: Per Victor Peer èsi impurtant che tut ils partenaris collavuran ensemen sco unitad. RTR

Sper Victor Peer sco president èn vegnidas elegidas Heidi Hanselmann e Gianna Rauch Poo sco represchentants dal Parc Naziunal Svizzer, Gabriella Binkert-Bechetti ed Ulrich Veith per la Val Müstair e Fadri Blanke e Daniel Stecher per la vischnanca da Scuol. La perioda d’uffizi dura dal 2024 fin il 2028.

RTR actualitad 17:00

Artitgels legids il pli savens