L’uniun «AIVLAS» vul realisar ina nova pensiun d’animals en l’Engiadin’Ota, il focus è surtut sin chauns. Adattà per in tal project è tenor evaluaziun l’ur da la vischnanca da Samedan, il bain Polin en il territori da Viergias. La raschun saja ch'i è datiers a la zona da bajegiar, l'access saja bun ed il potenzial da conflict saja pitschen, la canera en quest lieu na fiss per exempel betg in problem per auters vischins. Quai scriva la suprastanza da la vischnanca. Betg adattads sajan però ils lieus proponids en las vischnancas da La Punt e Schlarigna.
Per il project da la pensiun d’animals èn previs custs da radund 3 milliuns francs. Quels duain vegnir finanziads tranter auter da donaziuns privatas. I sa tracta numnadamain dad in project sin basa privata e betg dad in project regiunal.
