La Val Bregaglia bada il midament dal clima. Cun ina strategia d’energia vulan els rinforzar la producziun da forza regenerabla, plinavant vulan els daventar en avegnir pli independents dal martgà da forza electrica.
La strategia ha analisà differents aspects en ils secturs, aua, sulegl e vent. Ils implants idraulics gia oz existents en Bregaglia vulan els, ensemen cun la possessura l'EWZ Elektrizitätswerk Zürich, optimar. Plinavant han els examinà differents lieus per realisar implants fotovoltaics e manà gia differents discurs cun purs per trair a niz ils tetgs da las stallas.
Per la fracziun da Malögia èsi previs da realisar ina rait da stgaudament a distanza cun agid dal lai. Finalmain han els era analisà la situaziun da montar rodas da vent.
La strategia d’energia prevesa la realisaziun dals projects factibels enfin l’onn 2035.
