750 chasadas, divers affars e chasas publicas – Il provediment electric Val Müstair (PEM) producescha pli u main avunda forza per tuts en la val. Il PEM ch'è en possess da la vischnanca da Val Müstair. Ma ils provediments ston vegnir sanads ils proxims onns, causa che quels èn per part enfin 70 onns vegls. La PEM vul perquai investir radund 12,3 milliuns francs e sanar ils dus cundrizs «Muranzina» e «Chasseras». A Muranzina preves'ins oravant tut da sanar ils enchaschaments e las lingias, e da midar ina turbina. A Chasseras percunter vul'ins augmentar la capacitad e producir en l'avegnir dapli forz’electrica.
Suenter la sanaziun dals dus provediments preves'ins da producir radund 12% dapli forza electrica. La radunanza communala dals 26 da mars sto però consentir al credit (sper il credit per la renovaziun da la scola Müstair). Las lavurs duain cumenzar silsuenter ed esser a fin il 2027.
Meglierar era la segirezza da provediment
La suletta colliaziun ch'il PEM ha cun la rait d'electricitad va sur il pass dal Fuorn. Questa maina forza electrica oravant tut sur ils mais d’enviern, cura che las duas ovras dal PEM na produceschan betg adina avunda electricitad per l'entira val. E sch'ils dus indrizs en la val n'avessan insumma betg da funcziunar, lura dessi in problem l'enviern. La stad Il mainagestiun Enrico Tschenett vul en l'avegnir dapli segirezza. Perquai vul el chattar ina soluziun ensemen cun ils vischins sur cunfin, cun l’Italia.
Ord l'archiv
L'aua per producir l'electricitad en e per la Val Müstiar ha adina puspè leventà las olmas. Saja quai l'aua dal Rom che va tras l'entira Val, ubain l'aua dals flums laterals sco ussa.
