Siglir tar il cuntegn

Header

cuntegn

Val Müstair Nova priura per la claustra San Jon a Müstair

Sora Aloisia Steiner da Tuor (Taufers) en il Tirol dal Sid succeda a la priura emeritada Domenica Dethomas. Priura Aloisia è dapi 38 onns da chasa en la claustra benedictina a Müstair e saja colliada fermamain cun la cuminanza e la populaziun da la Val Müstair, scriva la claustra en ina communicaziun. Ella ha 68 onns ed è entrada en la vegliadetgna da 30 onns en la Claustra da San Jon a Müstair.

La priura partenta Domenica viva dapi exact 50 onns en la Claustra a Müstair. Ella è er l’unica en la cuminanza che è oriundamain da Müstair. Cun accumplir 75 onns, ha ella cuntanschì la limita da vegliadetgna per quest uffizi.

Actualmain vivan 9 soras en la cuminanza benedictina. Suenter l’elecziun da la nova priura Aloisia han sunà ils zains da la baselgia. Cura ch'ella vegn installada uffizialmain, n’è anc betg enconuschent.

Ord l'archiv:

video
Claustra Müstair tschertga nova priura
Or da Giuventetgna dals 14.08.2019.
laschar ir. Durada: 40 Secundas.

RR novitads 15:00

Artitgels legids il pli savens