Siglir tar il cuntegn

Header

visualisaziun dal ressort da vacanzas.
Legenda: MAD, Domenig Architekten, Cuira
cuntegn

Val Müstair Regenza grischuna dat glisch verda per «La Sassa»

La regenza grischuna ha approvà la revisiun parziala da la planisaziun locala ch'è necessaria per realisar il project da vacanzas «La Sassa» en Val Müstair. Questa revisiun aveva la vischnanca approvà avant passa in onn, ils 14 da settember 2018.

Il ressort da quatter stailas plus è concepì sco vitg da vacanzas che duaja vegnir realisà en trais etappas. Tut en tut èn previs 6 edifizis cun var 320 letgs da giasts. Il project duai dar schlantsch al turissem en la regiun.

Anc pendent: Procedura da permissiun per teleferica

Il nov ressort da vacanzas è planisà sper la staziun a val d'ina nova teleferica che duai manar en il territori da skis «Minschuns». Quella n'ha però anc betg las lubientschas necessarias. La procedura da permissiun correspundenta per la teleferica è actualmain pendenta tar l'Uffizi federal da traffic.

Ord l'archiv:

Il 2017 ha la vischnanca ditg GEA al project da vacanzas «La Sassa». Entras in referendum è vegnì garantì che la populaziun possia pigliar la decisiun davart il project. E cun radund 60% è il project vegnì approvà.

Video
Val Müstair di gea al ressort «La Sassa» e pendiculara
Or da Telesguard dals 12.02.2017.
laschar ir

RR novitads 09:00