La musica barocca ed er il chavaltgar baroc derivan dal medem temp. En Val Müstair datti perquai da vesair ed udir ina cumbinaziun. Chavaltgadras e chavaltgaders portan costums dal temp da baroc e preschentan coreografias cun chavals. Medemamain vegn orchestrada musica barocca franzosa live. Pia musica naschida tranter 1600 e 1750 l'emprim en las citads talianas Firenza, Venezia e Roma. Suenter è la lura sa derasada en l'entira Europa.
L’idea dad organisar la «festa barocca» da sonda è naschida sin iniziativa da l’organista Elisabeth Hangartner e la violinista Renate Steinmann, ensemen cun la maistra da chavaltgar Iris Hauschild e la reverendessa da la Val Müstair Bettina Schönmann.
Quai è «chavaltgar baroc»
-
Bild 1 von 5. Iris Hauschild maina la chavaltgadras. Bildquelle: RTR.
-
Bild 2 von 5. L'orchester sut la batgetta da Renate Steinmann, a sanestra. Bildquelle: RTR.
-
Bild 3 von 5. La coreografia sto vegnir coordinada cun la musica barocca franzosa. Bildquelle: RTR.
-
Bild 4 von 5. L'orchester e la musica en stretga collavuraziun. Bildquelle: RTR.
-
Bild 5 von 5. Betg mo la chavaltgadra sto sa concentrar, era il chaval. Bildquelle: RTR.
Cun ils raps da la festa barocca vulan els renovar l'orgla da passa 200 onns. L’orgla en la baselgia refurmada a Tschierv aveva fabritgà Josef Fuchs il 1807.
L’orgla da 200 onns a Tschierv
Josef Fuchs da Puntina en Austria aveva fabritgà quella orgla enturn il 1807 per la vischnanca da S-chanf.
A S-chanf è vegnida sunada quella orgla da l'enconuschent cumponist Otto Barblan. Otto Barblan (1860–1943) è stà in cumponist svizzer, organist e pedagog da musica da S-chanf en l'Engiadina. Suenter sia scolaziun a Cuira e Stuttgart ha el lavurà durant tschintg decennis sco organist a la Catedrala da Son Pierre a Genevra e sco magister al conservatori da questa citad. El ha cumponì oravant tut musica spirituala, tranter auter ovras per chor ed orgla, ed è stà in dirigent da chor engaschà. Malgrà sia activitad en la Svizra romanda è el adina restà collià cun sia patria rumantscha. Il 1937 è el daventà burgais d'onur da Genevra. El è mort il 1943 ed è vegnì sepulì sin il santeri dals retgs a Genevra.
La baselgia refurmada a Tschierv
-
Bild 1 von 3. En la baselgia refurmada da Tschierv sa chatta l'orgla. Bildquelle: RTR.
-
Bild 2 von 3. Quella orgla barocca duai vegnir renovada. Bildquelle: RTR.
-
Bild 3 von 3. Las pipas da l'orgla da Tschierv. Bildquelle: RTR.
Enturn il 1904 ha la vischnanca però vulì ina nova, uschia ha S-chanf regalà questa orgla a la vischnanca da Tschierv. Avant 30 onns han ins fatg ina renovaziun ed ussa ina segunda renovaziun fundamentala, quella vegn a custar radund 30’000 francs.