Adina da primavaira cur che la naiv svanescha da las planiras sut la vischnanca da Ramosch, vegn giugà a «mazzlas». Giuven e vegl sa participescha en gruppas u era singul, quest onn han giugà radund 50 persunas.
Giugar a mazzlas è ina passiun, blers turnan en patria per s’inscuntrar e giugar da cumpagnia quest gieu tradiziunal.
Mazzlas a Ramosch
Cumenzament da la gallaria da maletgs
Sursiglir la gallaria da maletgs
-
Bild 1 von 5. Cun la mazzla enturn il chau. Bildquelle: RTR.
-
Bild 2 von 5. La finamira è da tutgar la balla da golf. Bildquelle: RTR.
-
Bild 3 von 5. Giugà vegn singul u en gruppas. Bildquelle: RTR.
-
Bild 4 von 5. Precisiun tutga era tar il gieu da mazzlas. Bildquelle: RTR.
-
Bild 5 von 5. In giugader davant las muntognas cuvertas cun naiv. Bildquelle: RTR.
Fin da la gallaria da maletgs
Returnar al cumenzament da la gallaria da maletgs.
Ina sort golf pero cun in auter bastun
Orasum in bastun da fibra da vaider sa chattia in bloc da lain dir – la «mazzla». Quella sventulesch'ins enturn il chau ed emprova da culpir la balla da golf. Radund dus kilometers è il traject che sa chattia sin las planiras sut la vischnanca da Ramosch.
La pli gronda sfida è da chattar las ballinas da golf durant il gieu.
Quest gieu ha ina fitg gronda tradiziun a Ramosch. Mintg’onn sa radunan persunas da la vischnanca ma era da vischnancas vischinas per giugar a «mazzlas». La saira lura datti la premiaziun ed ina lunga festa.