L'onn 1953 ha Niculin Bischoff chattà restanzas d'in vitg preistoric sin Mottata sur Ramosch. Fin l'onn 1958 èn là vegnidas fatgas exchavaziuns sut la direcziun da Niculin Bischoff ed Armon Planta.
La scuverta dal vitg preistoric che deriva dal temp da bronz è stada da gronda impurtanza. Ils resultats vegnan publitgads pir ussa. Il servetsch archeologic dal Grischun ha edì in cudesch davart las scuvertas da la Mottata da Ramosch.
Per nus archeologs è quest lieu impurtant, uschia avain nus la pussaivladad da reconstruir l’evoluziun sur tschientaners.
-
Bild 1 von 4. Durant ils onns 50 èn vegnidas fatgas exchavaziuns en il territori da la Mottata sur Ramosch. Bildquelle: Servetsch archeologic GR.
-
Bild 2 von 4. Restanzas d'in abitadi dal temp da bronz èn vegnidas chattadas. Bildquelle: Servetsch archeologic GR.
-
Bild 3 von 4. Lavurers indigens han fatg las exchavaziuns. Bildquelle: Servetsch archeologic GR.
-
Bild 4 von 4. Las scuvertas èn vegnidas protocolladas minuziusamain. Bildquelle: Servetsch archeologic GR.
Ussa, 70 onns suenter las exchavaziuns, è cumparida la documentaziun en furma da cudesch. En quella vegn preschentà detagliadamain il svilup dal vitg preistoric da Mottata durant il temp da bronz.
La colonia è sa deditgada intensivamain a l'agricultura, quai ch'explitgescha la finala er la cuntrada champestra da Ramosch. Per il rest dals edifizis, sco p.ex. ina chasa retica construida er en il Tirol dal sid e dal nord, han ils perscrutaders er chattà ina gronda quantitad da cheramica veglia. Ils chats èn vegnids documentads cun quità.
Mottata sa chatta en l'ost da Ramosch, ina fracziun da Valsot, sin in sin ina collina sin 1'500 meters sur mar. Il lieu era d’impurtanza strategica pervia da la buna survista.