La suprastanza communala ha ensemen cun il cussegl da scola argumentà en lur missiva ch'i dettia memia paucs scolars en la fracziun da Lavin per manar enavant la scolina. Trais quarts stuessan vegnir transportads da las ulteriuras fracziuns. Quai chaschuna tenor els dapli custs, dischavantatgs socials ed era organisatorics. A Zernez percunter sa chattia ina scola moderna cun ina infrastructura optimala che pussibilitescha tut tenor basegn era l’introducziun dad ina structura da di.
La radunanza communala a refusà l’iniziativa inoltrada in mars «Per ina scolina a Lavin», suttascritta da 264 abitantas ed abitants cun dretg da vuschar. La decisiun croda ils 13 da favrer 2022 a l'urna. A quella vegn fatg la proposta da refisar l'iniziativa. La scolina duess vegnir manada a partir da l'onn da scola 2022/23 a Zernez.
