Siglir tar il cuntegn

Header

video
Livigno e S-chanf vulan in tunnel da viafier
Or da Telesguard dals 10.10.2023.
laschar ir. Durada: 3 minutas 43 Secundas.
cuntegn

Visiun viafier Tunnel da tren per Livigno

En ina cunvegna d’intent formuleschan Livigno, S-chanf ed il Parc Naziunal Svizzer il giavisch per in tunnel da tren.

La Viafier retica, u sco ch’ella vegn numnada en Italia, il «trenino rosso», duai colliar en avegnir l’Engiadina e Livigno. Cun suttascriver ina decleraziun d’intent «protocollo d’intesa», han Livigno, S-chanf, Zernez ed il Parc Naziunal Svizzer incumbensà il vitg da Livigno da prender per mauns ina projectaziun detagliada per in tunnel da tren tranter S-chanf e Livigno.

Questa decleraziun è l'emprim pass da l'entir process. Il chantun e la Viafier retica n'èn anc betg orientads.

Quest n'è betg l'emprim project per colliar Livigno cun l’Engiadina cun ina lingia da tren. Gia l’onn 2001 aveva l’universitad Bocconi da Milano elavurà in studi.

Or da l'archiv:

video
Studi per in tunnel da viafier a Livigno
Or da Telesguard dals 20.02.2012.
laschar ir. Durada: 3 minutas 39 Secundas.

RTR Telesguard 17:40

Artitgels legids il pli savens