Siglir tar il cuntegn

Header

cuntegn

Zernez Il magister pensiunà lavura puspè

Gist trais magistras èn gia u daventan proximamain mamma. Il magister pensiunà Jon Candrian da Martina, è perquai sa decis da porscher maun a la scola da Zernez e da turnar a dar scola a Zernez.

Tut sia vita è Jon Candrian stà magister, passa in decenni da quel temp ha l'Engiadinais instruì a Zernez. Tranter auter era sco manader da scola. Dapi sia pensiun abita l’um da 67 onns giusum l’Engiadina, a Martina.

Cura ch’ins n'ha betg pli chavals che tiran il char, han ins da clamar ils asens vegls.
Autur: Jon Candrian Magister pensiunà
audio
Jon Candrian dat puspè scola
ord Actualitad dals 09.02.2023.
laschar ir. Durada: 2 minutas 10 Secundas.

Zernez en las stretgas

Gista trais magistras crodan ora ils proxims mais a Zernez. Duas dad ellas èn gia daventadas mamma, ina terza vegn ad esser proximamain. Per Jon Candrian era cler da vulair gidar la vischnanca. El è sa decis da surpigliar l'instrucziun da la terza classa cun in pensum dad 80%. Quai enfin la fin da l'onn da scola, il zercladur 2023.

Noss uffants meritan magistras e magisters giuvens, ma la situaziun actuala pretenda ina flexibilitad, er da magisters pensiunads sco jau.
Autur: Jon Candrian magister passiunà – pensiunà

I na saja dentant betg uschia ch'el veglia dar scola anc durant onns suenter la pensiun, di Jon Candrian. Per el giaja uss surtut per surmuntar l'actuala stretga da magistras e magisters a Zernez.

RTR actualitad 12:00

Artitgels legids il pli savens