Suenter ch'il chantun Grischun aveva approvà la cunvegna da sanaziun ch'è vegnida inoltrada l’onn passà dal Parc Naziunal Svizzer, da las Ovras electricas d'Engiadina e da trais federaziuns per la protecziun da l'ambient, possia la sanaziun dal flum Spöl uss vegnir instradada, uschia la communicaziun cuminaivla da las tschintg organisaziuns.
Las tschintg partidas avevan fatg recurs cunter la disposiziun da sanaziun ch’il chantun Grischun aveva relaschà l’onn 2021 e pretendì ina moda e maniera da proceder pli differenziada. Quella dueva resguardar meglier las relaziuns spazialas en il letg dal flum ed il different grad da contaminaziun en las singulas parts dal flum.
La finamira da tut las persunas participadas era d’evitar ina dispita giuridica da blers onns e da betg spetgar pli ditg cun la sanaziun dal Spöl.
Sanaziun a partir dal 2026
Las OEE vegnan uss a cuntinuar cun il project da construcziun e la procedura per la permissiun da construcziun, per ch'il Spöl possia vegnir sanà a partir da l'onn 2026.
Il giudicament da surpigliar ils custs da las mesiras da sanaziun, ha il Departament d'educaziun, cultura e protecziun da l'ambient dal Grischun (DECA) attribuì ad ina segunda decisiun parziala che vegn tratga pli tard.
-
Bild 1 von 4. Spöl en l'Engadina: Tras la sanaziun duain las parts contaminadas dal flum – che s'extendan sur L'aua da l'aual erà vegnida contaminada sur passa 5 kilometers – vegnir allontanads. Bildquelle: EKWSTROM.
-
Bild 2 von 4. Per remover il PCD – la substanza nuschaivla –duai il letg dal flum en las parts pertutgadas vegnir stgavà ora. Quai lubescha da separar il material dal material che po vegnir turnads en il flum. Bildquelle: EKWSTROM.
-
Bild 3 von 4. Plinavant duai il funs sut il mir da fermada «Punt dal Gall» vegnir purifitgà cumplettamain. Bildquelle: EKWSTROM.
-
Bild 4 von 4. Sper las Ovras electricas d'Engiadina èn era trais organisaziuns per la protecziun da l'ambient involvadas en il project – il WWF, la Pro Natura Grischun e l'Aqua Viva. Bildquelle: EKWSTROM.
Durant las lavurs da sanaziun vegnia fatga ina controlla permanenta. Ultra da quai vegnia ina gruppa ad accumpagnar tut ils pass per garantir il barat d'infurmaziuns tranter las partidas ed ils posts spezialisads.
In monitoring suenter tschintg fin set onns vegn a mussar co ch'il stadi dal Spöl è suenter la sanaziun.
Or da l'achiv:
L'onn 2016 era il Spöl vegnì contaminà durant lavurs da sanaziun vi dal mir da serra Punt dal Gall. I era cler che il Spöl sto vegnir sanà. RTR ha adina puspè rapporta davart il progress da la sanaziun sco e dal cas giuridic, nua che la dumanda da la culpa da l'accident è vegnida sclaridà: