Questa stad avess il White Light Alpine Chic Hotel a Zuoz avert sias portas. L’edifizi da l’hotel sa chatta gist sper l’anteriur Hotel Wolf e stat dapi bundant in onn, las lavurs a l’intern n'han dentant anc betg cumenzà propi. La vischnanca da Zuoz ha confermà sin dumonda da la FMR ch'i haja dà reclamaziuns davart la polizia da fieu e quai haja retardà il project. Ils gestiunaris communitgeschan ussa in’avertura il matg 2023.
Il nov hotel da boutique, construì durant ils ultims dus onns e che avess stuì vegnir avert cun in restaurant ed in implant da bainstar public, vegn a custar var set milliuns francs. Quai han communitgà ils investiders il favrer 2022. Plinavant èsi vegnì communitgà ch’il White Light Alpine Chic Hotel vegnia avert il fanadur 2022.
Suenter ch'il hotel Wolf a Zuoz è vegnì serrà il 2011 è l'avegnir da l'edifizi e da l'areal adina puspè stà intschert. L'anteriur hotel Wolf è dentant vegnì transfurmà en ina chasa cun segundas abitaziuns.
