La polizia chantunala avertescha da cugliunaria entras persunas che sa dattan ora sco policists u policistas. Las persunas offreschan al telefon da metter en segirezza daners perquai ch'i saja per exempel vegnì rut en en la vischinanza. In'autra mascha saja da pretender autas summas pervi d'in accident.
Ier ha ina tala emprova gì success: Ina dunna da 76 onn ha surdà 65'000 francs ad in um nunenconuschent. Quai suenter che quel aveva pretendì al telefon che la figlia haja gì in accident e stoppia uss ir en praschun. La dunna ha sinaquai retratg daners da la banca e surdà quels ad in um nunenconuschent en la citad.
La Polizia chantunala fa attent da resguardar ils suandants puncts per sa proteger:
- Esser disfidant – la polizia na fa naginas dumondas da daners en bar via telefon.
- Adina interrumper immediatamain tals telefons ed infurmar la polizia sut il numer 117.
- Mai surdar daners u objects da valur a persunas nunenconuschentas.
audio
Per tadlar curt e cumpact
ord RTR Audio dals 24.06.2022.
laschar ir. Durada: 2 minutas 27 Secundas.
