Siglir tar il cuntegn

Fim da brischaments a Canada Per il pilot da ballun nagin problem

Samuel Juon, il pilot indigen da Sagogn ha explitgà ch’els sajan adina infurmads d’in meteorolog. Auter ch’ina vista dalunsch reducida haja la brentina dal fim da las arsas da guaud nagina influenza per il sgular cun il ballun. El e ses passagiers hajan era betg fatg stim d’ina savur sco auters rapportan. Quai che saja spezial saja il mument il pauc vent, uschia saja la brentina stada ier ed oz in tema.

Fim dal Canada ha zuppà nossas muntognas

Betg mo ils pilots da ballun, tut quels ch’han guardà la fin d’emna sin la pizza n’han betg vesì quella. La muntogna sa zuppava davos ina paraid da brentina. Ma daco quai? L’aria è stada chauda e sitga, quai n’è betg aura da tschajera. Da spetgar fiss stada ina buna vista en il lontan.

Sco Meteoschweiz scriva sa chatta la resposta lunsch en il vest. Da l’autra vart da l’Atlantic. Il servetsch meteorologic ha reconstruì ils moviments da l’aria ch’è arrivada la sonda tar nus. L’origin è tenor lur retschertgas il nord da l’America dal Nord.

Mesiraziuns da particlas finas sin il Jungfraujoch mainan a la conclusiun che la brentina consista da fulin. Probablamain deriva quel d’incendis da guaud. Nossa muntogna è pia stada zuppada en il fim d’incendis da guaud en il Canada ed ils Stadis unids.

Rückwärtstrajektorien Jungfrauregion
Legenda: Meteoschweiz / noaa.gov

Or da l'archiv:

RTR actualitad 17:00

Artitgels legids il pli savens