Davent da musica, mangiar u nudar – a Cuira ha la fin d'emna dals 10 fin ils 12 da mars purschì fitg bleras pussaivladads per co passentar il temp liber. Tuttina tge che mintgin ha la fin finala decidì da far la fin d'emna: la glieud ha sa legrà dal sulegl e l'aura primavauna.
La glieud ha gì bleras, diversas opziuns
Bogn avert
A partir da questa fin demna averts ils bogns averts en divers lieus, uschia er a Cuira . Quai vala per l'Obere Au e per il bogn Sand. Fin l’entschatta settember èn tuts dus averts mintga di. Questa fin d’emna èn a Cuira sur 20 grads – la sonda perfin 25 grads.
Bündner Maibaum
Durant ils dis d’Ascensiun ha lieu la festa da Maibaum en la halla da citad a Cuira. Vers la saira datti musica da schlagher ed era da mangiar. En il center duai dentant esser il bist d’ina planta da 15 meters autezza ch'è vegnì decorà.
Lunapark
Tar l'Obere Au na datti betg mo il bogn avert, i stattan sur duas emnas er carussels, autos da putsch u lieus per trair truclas. Igl è ina fiera ch'igl ha gia dà pliras giadas a Cuira en connex cun autras festas. Quest onn stat il Lunapark per sai.
Polenta 7000
Per la quarta giada ha lieu la festa Polenta 7000 sper l’autostrada a Cuira. Sur trais mais datti mintga gievgia, venderdi e sonda musica, saut, ina bar e tranteren era program spezial sco lotto.
Street Food Festival
Durant tschintg dis è la via da la staziun a Cuira emplenida cun divers stans da mangiar e musica. En tut èn quai var 30 stans che porschan da mangiar da tut il mund: Momos dal Tibet, petta flambada da l’Alsazia u pasta frestga da l’Italia.