La Pro Flem Cassons, in’uniun ch’è vegnida fundada l’onn 2009 d’ina gruppa d iniziants, ha gì ina finamira: Impedir ch’ins demonteschi la pendiculara da 1956. Ma er la forza d’ina uniun cun da gliez temps passa 2000 commembers n’ha betg savì impedir ch’ins ha serrà la colliaziun sin il Fil da Cassons e demontà l’implant.
Ussa envida l’uniun Pro Flem Cassons ils 30 da settember 2023 a Flem a la 14avla radunanza generala. El rapport annual agiuntà a l’invit fa il president Arno Krucker allusiun al futur da l’uniun.
Nossa finamira finala, numnadamain quella da garantir ina colliaziun directa cul Fil da Cassons, n’è betg cuntanschida.
Vinavant di el, che malgrà da quai hajan els a disposiziun en il futur il FlemXpress. Quel collia silmain il territori fin a Segnes ed Ils Cugns, ed el megliureschia la purschida a Foppa.
La suprastanza proponia perquai ina radunanza extraordinaria culla tractanda da schliar l’uniun. La Pro Flem Cassons aveva rimnà fin il 2015 daners per pajar ina suga nova per la pendiculara veglia da Cassons. Sin quai conto èn anc rodund 800’000 francs deponi. La suprastanza propona d’organisar ina restituziun als donaturs tenor giavisch da lezs.
