La situaziun dal persunal tar la FMR, la fundaziun medias rumantschas, è sa schluccada in zic durant l'onn passà. La recrutaziun da persunal qualifitgà vegn dentant a restar ina sfida era en l'avegnir, ha communitgà la FMR cun preschentar il quart rapport annual. La fin dal 2023 lavuravan 19 persunas en in pensum da total 13 plazzas cumplainas.
Il quint annual da la FMR serra tar entradas dad 1,9 milliuns cun ina perdita da radund 22’000 francs. Tenor la presidenta dal cussegl da fundaziun Corina Casanova è il model da finanziaziun dal maun public e la collavuraziun cun differents partenaris sa cumprovà.