Siglir tar il cuntegn

Grischun Central 2'500 persunas han visità il «Donnschtig-Jass»

L’emissiun è vegnida emessa en directa da la televisiun svizra SRF. Quella ha gì lieu sin la Plazza Grava a Savognin. Savognin aveva sa qualifitgà sco lieu d’emissiun perquai ch’els han battì Mustér en il gieu da jass da differenza avant in’emna.

Da la partida è stada era la chantadura austriaca Melissa Naschenweng.
Legenda: Da la partida è stada era la chantadura austriaca Melissa Naschenweng ch'è da vesair qua durant la davos'emprova. RTR, Federico Belotti

Sco quai che Savognin Turissem scriva en ina communicaziun, saja il campiun mundial Dario Colognà stà il giast preferì da la saira. Il comité d’organisaziun local e SRF guardian enavos sin in eveniment gartegià, che saja vegnì manà tras senza incaps.

Frenkendorf gudogna

Per il divertiment musical han procurà Angelo Kelly & Family sco era Melissa Naschenweng. Il jass da la saira ha gudagnà Frenkendorf ch’ha battì Binningen, omaduas èn vischnancas dal chantun Basilea Champagna. Quai vul dir ch'il proxim Donnschtig-Jass vegn emess da Frenkendorf.