Sensibilisar la populaziun
I saja impurtant da sensibilisar la populaziun per la tematica, di Peider Michael, il president dal consorzi per las auas persas Val Schons ed er il capo da la serenera Val Schons a Ziràn, Domenig Gustin. Blers na fetschian nagins patratgs tge ch'els laschian giu dal scul.
Blers na san betg tge ch'in po laschar giu da la tualetta e tge betg.
Il pli savens arrivian mangiativas e fazielets da cosmetica en l'ARA, quai na tutgia ensesez betg en la chanalisaziun. El sa legra da pudair mussar a la populaziun sia lavur ed ils differents process da la serenaziun d'aua persa.
Vida sia professiun stima il capo serenera Domenig Gustin il pli fitg, ch'el possia arranschar ses di da lavur libramain e la variaziun: el saja mecanist, tecnicist e birolist, quai tut en ina. I na saja betg ina lavur che cumenzia las otg la bun'ura e saja a fin la saira da las tschintg; sch'el stoppia schliar in problem en la serenera, saja l'ura tuttina.
Survegliader da serenera è ina lavur ch'in sto far cun cor.
Or da l'archiv
Tge schabegia suenter trair l'aua? Il Minisguard declera.
